ธัมมจักกัปปวัตตนสูตร (ปฐมเทศนา ฉบับเต็ม)

(ตั้งนะโม ๓ จบ ก่อนเริ่มสวด)

บทนำ

เอวัมเม สุตัง ฯ เอกัง สะมะยัง ภะคะวาพาราณะสิยัง วิหะระติ อิสิปะตะเน มิคะทาเย ฯตัตระ โข ภะคะวา ปัญจะวัคคิเย ภิกขู อามันเตสิ ฯ

ที่สุดสองอย่างที่ไม่ควรเสพ

เทวเม ภิกขะเว อันตา ปัพพะชิเตนะ นะ เสวิตัพพาโย จายัง กาเมสุ กามะสุขัลลิกานุโยโคหีโน คัมโม โปถุชชะนิโก อะนะริโย อะนัตถะสัญหิโตโย จายัง อัตตะกิละมะถานุโยโคทุกโข อะนะริโย อะนัตถะสัญหิโต ฯ

ทางสายกลาง

เอเต เต ภิกขะเว อุโภ อันเต อะนุปะคัมมะมัชฌิมา ปะฏิปะทา ตะถาคะเตนะ อะภิสัมพุทธาจักขุกะระณี ญาณะกะระณี อุปะสะมายะ อะภิญญายะสัมโพธายะ นิพพานายะ สังวัตตะติ ฯ

กะตะมา จะ สา ภิกขะเว มัชฌิมา ปะฏิปะทา ตะถาคะเตนะ อะภิสัมพุทธาจักขุกะระณี ญาณะกะระณี อุปะสะมายะ อะภิญญายะสัมโพธายะ นิพพานายะ สังวัตตะติ ฯ

อะยะเมวะ อะริโย อัฏฐังคิโก มัคโค ฯ เสยยะถีทัง ฯสัมมาทิฏฐิ สัมมาสังกัปโปสัมมาวาจา สัมมากัมมันโต สัมมาอาชีโวสัมมาวายาโม สัมมาสะติ สัมมาสะมาธิ ฯ

อะยัง โข สา ภิกขะเว มัชฌิมา ปะฏิปะทา ตะถาคะเตนะ อะภิสัมพุทธาจักขุกะระณี ญาณะกะระณี อุปะสะมายะ อะภิญญายะสัมโพธายะ นิพพานายะ สังวัตตะติ ฯ

ทุกขอริยสัจ

อิทัง โข ปะนะ ภิกขะเว ทุกขัง อะริยะสัจจัง ฯชาติปิ ทุกขา ชะราปิ ทุกขา มะระณัมปิ ทุกขังโสกะปะริเทวะทุกขะโทมะนัสสุปายาสาปิ ทุกขาอัปปิเยหิ สัมปะโยโค ทุกโข ปิเยหิ วิปปะโยโค ทุกโขยัมปิจฉัง นะ ละภะติ ตัมปิ ทุกขังสังขิตเตนะ ปัญจุปาทานักขันธา ทุกขา ฯ

ทุกขสมุทัยอริยสัจ

อิทัง โข ปะนะ ภิกขะเว ทุกขะสะมุทะโย อะริยะสัจจัง ฯยายัง ตัณหา โปโนพภะวิกา นันทิราคะสะหะคะตาตัตระ ตัตราภินันทินี ฯ เสยยะถีทัง ฯกามะตัณหา ภะวะตัณหา วิภะวะตัณหา ฯ

ทุกขนิโรธอริยสัจ

อิทัง โข ปะนะ ภิกขะเว ทุกขะนิโรโธ อะริยะสัจจัง ฯโย ตัสสาเยวะ ตัณหายะ อะเสสะวิราคะนิโรโธจาโค ปะฏินิสสัคโค มุตติ อะนาละโย ฯ

ทุกขนิโรธคามินีปฏิปทาอริยสัจ

อิทัง โข ปะนะ ภิกขะเว ทุกขะนิโรธะคามินี ปะฏิปะทา อะริยะสัจจัง ฯอะยะเมวะ อะริโย อัฏฐังคิโก มัคโค ฯ เสยยะถีทัง ฯสัมมาทิฏฐิ สัมมาสังกัปโปสัมมาวาจา สัมมากัมมันโต สัมมาอาชีโวสัมมาวายาโม สัมมาสะติ สัมมาสะมาธิ ฯ

ญาณทัสสนะสามรอบในทุกขอริยสัจ

อิทัง ทุกขัง อะริยะสัจจันติ เม ภิกขะเวปุพเพ อะนะนุสสุเตสุ ธัมเมสุ จักขุง อุทะปาทิญาณัง อุทะปาทิ ปัญญา อุทะปาทิ วิชชา อุทะปาทิ อาโลโก อุทะปาทิ ฯ

ตัง โข ปะนิทัง ทุกขัง อะริยะสัจจัง ปะริญเญยยันติ เม ภิกขะเวปุพเพ อะนะนุสสุเตสุ ธัมเมสุ จักขุง อุทะปาทิญาณัง อุทะปาทิ ปัญญา อุทะปาทิ วิชชา อุทะปาทิ อาโลโก อุทะปาทิ ฯ

ตัง โข ปะนิทัง ทุกขัง อะริยะสัจจัง ปะริญญาตันติ เม ภิกขะเวปุพเพ อะนะนุสสุเตสุ ธัมเมสุ จักขุง อุทะปาทิญาณัง อุทะปาทิ ปัญญา อุทะปาทิ วิชชา อุทะปาทิ อาโลโก อุทะปาทิ ฯ

(ทรงแสดงญาณสามรอบเช่นเดียวกันนี้ในอริยสัจอีกสามข้อที่เหลือรวมเป็นสามรอบสิบสองอาการ)

ปฏิญญาการตรัสรู้

ยาวะกีวัญจะ เม ภิกขะเว อิเมสุ จะตูสุ อะริยะสัจเจสุเอวันติปะริวัฏฏัง ทวาทะสาการัง ยะถาภูตัง ญาณะทัสสะนัง นะ สุวิสุทธัง อะโหสิ ฯเนวะ ตาวาหัง ภิกขะเว สะเทวะเก โลเก สะมาระเก สะพรัหมะเกสัสสะมะณะพราหมะณิยา ปะชายะ สะเทวะมะนุสสายะอะนุตตะรัง สัมมาสัมโพธิง อะภิสัมพุทโธ ปัจจัญญาสิง ฯ

ยะโต จะ โข เม ภิกขะเว อิเมสุ จะตูสุ อะริยะสัจเจสุเอวันติปะริวัฏฏัง ทวาทะสาการัง ยะถาภูตัง ญาณะทัสสะนัง สุวิสุทธัง อะโหสิ ฯอะถาหัง ภิกขะเว สะเทวะเก โลเก สะมาระเก สะพรัหมะเกสัสสะมะณะพราหมะณิยา ปะชายะ สะเทวะมะนุสสายะอะนุตตะรัง สัมมาสัมโพธิง อะภิสัมพุทโธ ปัจจัญญาสิง ฯ

ญาณัญจะ ปะนะ เม ทัสสะนัง อุทะปาทิอะกุปปา เม วิมุตติ อะยะมันติมา ชาตินัตถิทานิ ปุนัพภะโวติ ฯ

ผลของพระธรรมเทศนา

อิทะมะโวจะ ภะคะวา ฯอัตตะมะนา ปัญจะวัคคิยา ภิกขู ภะคะวะโต ภาสิตัง อะภินันทุง ฯ

อิมัสมิญจะ ปะนะ เวยยากะระณัสมิง ภัญญะมาเนอายัสมะโต โกณฑัญญัสสะ วิระชัง วีตะมะลัง ธัมมะจักขุง อุทะปาทิยังกิญจิ สะมุทะยะธัมมัง สัพพันตัง นิโรธะธัมมันติ ฯ

เสียงบันลือของเทวดา

ปะวัตติเต จะ ภะคะวะตา ธัมมะจักเกภุมมา เทวา สัททะมะนุสสาเวสุงเอตัมภะคะวะตา พาราณะสิยัง อิสิปะตะเน มิคะทาเยอะนุตตะรัง ธัมมะจักกัง ปะวัตติตังอัปปะฏิวัตติยัง สะมะเณนะ วา พราหมะเณนะ วาเทเวนะ วา มาเรนะ วา พรัหมุนา วา เกนะจิ วา โลกัสมินติ ฯ

(เสียงนั้นดังต่อขึ้นไปตามลำดับชั้นเทวโลกจนถึงพรหมโลกชั้นอกนิฏฐกา)

อิติหะ เตนะ ขะเณนะ เตนะ มุหุตเตนะยาวะ พรัหมะโลกา สัทโท อัพภุคคัจฉิ ฯอะยัญจะ ทะสะสะหัสสี โลกะธาตุสังกัมปิ สัมปะกัมปิ สัมปะเวธิ ฯอัปปะมาโณ จะ โอฬาโร โอภาโส โลเก ปาตุระโหสิอะติกกัมเมวะ เทวานัง เทวานุภาวัง ฯ

บทส่งท้าย

อะถะโข ภะคะวา อุทานัง อุทาเนสิอัญญาสิ วะตะ โภ โกณฑัญโญอัญญาสิ วะตะ โภ โกณฑัญโญติ ฯอิติหิทัง อายัสมะโต โกณฑัญญัสสะอัญญาโกณฑัญโญเตววะ นามัง อะโหสีติ ฯ